Opinn kynningarfundur í fundarsal Heilbrigðisstofnunar Vesturlands. 15. ágúst kl. 17 – 19. Heilbrigðisstefna – stefna fyrir íslenska heilbrigðisþjónustu til ársins 2030 var samþykkt á Alþingi 3. júní síðastliðinn. Þetta eru mikilvæg tímamót fyrir heilbrigðisþjónustuna í landinu. Á fundinum verður fjallað um hvað felst í stefnunni, hvaða breytingar hún er líkleg til að hafa í för með sér og hvers vegna hún skiptir svo miklu máli, hvort heldur í þéttbýli eða í dreifðari byggðum landsins. Heilbrigðisstefnan verður kynnt í öllum heilbrigðisumdæmum landsins, en fundurinn á Vesturlandi er sá fjórði í röðinni.