Fréttir

Fréttir | 02. jún. 2020

Samdráttur í þjónustu á sjúkrasviði HVE sumarið 2020

 

Venju samkvæmt dregur úr starfsemi HVE yfir sumartímann í tengslum við sumarleyfi starfsmanna og lágmarks starfssemi verður á flestum starfseiningum yfir hásumarið.

Bent er á að engin skerðing verður á viðbúnaði vegna bráðaþjónustu á starfssvæðinu.

Samdráttur verður á þjónustu sjúkrasviðs á Akranesi þar sem dregið verður úr skipulegri valstarfsemi, s.s. aðgerðum yfir sumarmánuðina.

Eftirfarandi deildir á sjúkrasviði HVE hafa skilgreint tímabil með samdrætti í þjónustu í sumar:

Handlækninga- og kvennadeild HVE á Akranesi verða samreknar með 10 rúm opin í stað 20 rúma frá 10. júní til 17. ágúst.

Lyflækningadeild HVE á Akranesi verður með 12 rúm opin í stað 18 rúma frá 1. júní til 15.ágúst.

Dregið verður úr starfsemi skurðstofu og svæfingadeildar á Akranesi frá 2. júní til 24. ágúst, þann tíma verður ein skurðstofa opin.

Vegna manneklu þarf að gera hlé á starfsemi sjúkradeildar HVE í Stykkishólmi frá 19. júní til 4.ágúst.

Venjubundið hlé verður á starfsemi háls- og bakdeildar frá  19.júní – 24.ágúst.

 

Því miður þarf að grípa til þess úrræðist að gera hlé á starfsemi sjúkradeildarinnar í Stykkishólmi í sex vikur vegna skorts á starfsfólki til afleysinga til að unnt sé að veita starfsmönnum deildarinnar sumarorlof.

Framkvæmdastjórn þykir miður að grípa þurfi til þessa úrræðis.