Chat with us, powered by LiveChat

Fréttir

Fréttir | 06. des. 2022

Lionsklúbbur Akraness færir gjöf

Fyrir skömmu heimsóttu 20 félagar í Lionsklúbbi Akraness sjúkrahúsið á Akranesi og afhentu gjafabréf. Fjármagnið verður nýtt til kaupa á færanlegu ómskoðunartæki, en notkun slíkra tækja færist í vöxt meðal lækna og hefur verið á tækjabeiðnalista lækna sjúkrahússins í nokkurn tíma.

Björn Gunnarsson yfirlæknir svæfingadeildar tók við gjafabréfinu úr hendi Valdimars Þorvaldssonar formanns klúbbsins og færði þeim þakkir fyrir hönd stofnunarinnar. Björn fór stuttlega yfir virkni og sögu ómtækja í læknisfræði og svaraði spurningum félagsmanna ásamt Fritz Berndsen yfirlækni handlækningadeildar og Rún Halldórsdóttur svæfingalækni.