Lyfjaendurnýjanir

Lyfjaendurnýjanir

Hvernig er hægt að endurnýja föst lyf ?

  • Rafrænt í gegnum www.heilsuvera.is
  • Í símatímum læknaritara á heilsugæslustöðvum HVE, sjá hér neðar

Rafræn endurnýjun lyfseðla er gerð í gegnum Heilsuvera.is  en það er vefsvæði þar sem notandi getur átt í samskiptum við heilbrigðisþjónustuna m.a. endurnýjað lyf og bókað tíma hjá heilsugæslulækni. Til innskráningar þarf rafræn skilríki.
Sjá nánar Heilsuvera - mínar heilbrigðisupplýsingar á vef Landlæknis.

Áfram verður hægt að endurnýja lyf í símatímum læknaritara eða heilsugæslulækna. Varðandi þá þjónustu vísast í upplýsingar á viðkomandi heilsugæslustöð, í upplýsingar - símanúmer. 

  • Eingöngu er hægt að fá lyf sem fólk notar að staðaldri með þessum hætti.
  • Ekki er hægt að fá fjölnotaseðil eftir þessari leið, heldur verður að koma á stofu til læknis eða hafa beint samband við lækni vegna þess.
  • Ekki er hægt að fá sterk verkjalyf, ávanalyf eða eftirritunarskyld lyf afgreidd með þessum hætti.
  • Nauðsynlegt er að hafa nákvæmar upplýsingar um lyfið, heiti þess, styrkleika, hve oft það er tekið á dag, svo og hvaða apotek á að afgreiða lyfið.
  • Mikilvægt er fyrir sjúklinga að verða ekki lyfjalausir og því best að fá lyf endurnýjuð 3-4 dögum áður en síðasti skammtur er búinn.  
  • Reikna má með að afgreiðsla lyfja taki allt að 2 virka daga.

Símatímar vegna endurnýjunar lyfja

HVE Akranesi: Símatími læknaritara virka daga kl. 09:30 -11:00, s. 432 1169.

HVE Borgarnesi: Símatími læknaritara virka daga kl. 11-12, s. 432 1443.

HVE Búðardalur: Hægt er að endurnýja lyf símleiðis með því að hringja í heilsugæslustöðina, s. 432 1450 á opnunartíma.

HVE Grundarfirði: Símatími læknaritara virka daga kl. 11:00-12:00 s. 432 1358.

HVE Hólmavík: Hægt er að endurnýja lyf í símatíma læknis kl. 11:00 - 12:00. Panta þarf símatíma fyrir kl. 11:00.

HVE Hvammstanga: Símatími læknaritara virka daga kl. 08:00-11:00 s. 432 1300.

HVE Ólafsvík: Símatími læknaritara virka daga kl. 10:00—11:30, s. 432 1370.

HVE Stykkishólmi: Símatími læknaritara virka daga kl. 11:00-12:00 s. 432 1209.