Háls- og bakdeild
Sjúkrahúslæknir Jósep Blöndal
Deildarstjóri Hrafnhildur Jónsdóttir
Háls- og bakdeild St. Franciskusspítala var opnuð 1992. Deildin annast greiningu og meðferð bak- og hálsvandamála og tekur við sjúklingum alls staðar að af landinu.
Eingöngu er tekið við sjúklingum á deildina eftir tilvísun frá læknum.
Á deildinni eru 13 rúm fyrir inniliggjandi sjúklinga,sem dvelja að meðaltali 2 vikur(2 x 5 daga) að undangengnu mati sérfræðings.
Öll meðhöndlun er einstaklingsbundin og felur í sér:
- Sértækt æfingaprógramm fyrir þau vöðvakerfi, sem styðja við hrygginn og verja hann áföllum.
- Æfingakerfi til að draga úr verkjum
- Þjálfun vöðva,sem beitt er,þegar bakinu er hlíft
- Almenna stellingafræði
- Æfingar í vatni - þ.e. án álags
- Verkjameðferð,svo sem sprautur,sem gefnar eru í gegnumlýsingu.
- Lyfjameðferð er haldið í lágmarki
- Fræðslu í formi fyrirlestra
- Einstaklingsbundna fræðslu,sem lýtur að vinnu og tómstundum
- Almenna líkamsþjálfun
- Slökunaraðferðir
Langflestir sjúklinganna koma fyrst á stofu sérfræðings, þar sem tekin er sjúkrasaga, gerð nákvæm skoðun og meðferðin skipulögð.
Á deildinni starfa sérfræðingur, deildarlæknir, sjúkraþjálfarar, hjúkrunarfræðingur, geðhjúkrunarfræðingur og starfsmenn. Náið samstarf er á milli þessa fagaðila. Þá tekur deildin einnig við nemum í sjúkraþjálfun frá Háskóla Íslands.
Við innlögn á Háls- og bakdeild, fræðsla...
Háls- og bakdeild - stundaskrá...
Síðast uppfært 01.02.2011