14. júlí 2010 08:37
HVE eflir þjónustu við bráðveika og slasaða í Flatey á Breiðafirði
Heilbrigðistofnun Vestulands (HVE) hefur gert samkomulag við Framfarafélag Flateyjar um að HVE muni koma að áframhaldandi uppbyggingu búnaðar vegna bráðaveikinda og slysa í Flatey á Breiðafirði í samstarfi við Framfarafélag Flateyjar.
Í samkomulaginu felst m.a. að HVE mun sjá um endurnýjun og viðhald þess búnaðar sem er í eigu Framfarafélags Flateyjar í samráði við Fagstjóra sjúkraflutninga hjá HVE. Þá mun HVE sjá um endurnýjun lyfja í lyfjakistu félagsins. Lyfjategundir og magn verða í samráði við umsjónarlækni sjúkraflutninga hjá HVE. Valdir félagsmenn í Framfarafélagi Flateyjar verða í vettvangshjálparliði (first responder) fyrir Flatey og munu starfa á sjálfboðaliðagrundvelli. HVE mun koma að þjálfun vettvangshjálparliða í samráði við fagstjóra sjúkraflutninga og umsjónarlækni sjúkraflutninga hjá HVE. Tengiliður stjórnar Framfarafélags Flateyjar mun halda utan um ákvæði samkomulagsins og bera ábyrgð á framkvæmd þess í Flatey.
Samkomulagið tók gildi 01.07.2010.