Mæðravernd
Ljósmóðir, ásamt lækni eftir þörfum, sér um reglubundið eftirlit með verðandi mæðrum og veitir þeim fræðslu og ráðgjöf.
Mæðraskoðanir fara fram á heilsugæslustöðinni alla fimmtudaga kl. 09:00 – 12:00 Tímapantanir eru í síma 432 1300.
Markmið og tilgangur mæðraverndar er að fylgjast með heilsufari verðandi mæðra á meðgöngunni, vexti og þroska fósturs í móðurkviði. Að greina áhættuþætti á byrjunarstigi og bregðast við þeim. Að stuðla að heilbrigði, vellíðan og auknu öryggi foreldra með því að veita fræðslu og ráðgjöf um meðgöngu og fæðingu.
Verðandi foreldrum er boðið upp á fræðslunámskeið um meðgöngu, fæðingu, sængurlegu, brjóstagjöf, umönnun nýburans og breytingar sem verða í fjölskyldu, við fæðingu barns.
Æskilegt er að fyrsta skoðun fari fram við 10. viku meðgöngu eða fyrr ef konur vilja og síðan koma þær að meðaltali 7 – 12 sinnum í skoðun.
Við skipulag mærðaverndar er tekið mið af klíniskum leiðbeiningum frá Landlæknisembættinu um meðgönguvernd heilbrigðra kvenna.
Síðast uppfært 15.04.2011